कैलाली साउन २० । सुदूरपश्चिम प्रदेशको मुख्यमन्त्रीमा नेपाली कांग्रेस संसदीय दलका नेता कमलबहादुर शाह नियुक्त भएका छन् ।
संविधानको धारा १६८ को उपधारा (२) बमोजिम शाहलाई प्रदेश प्रमुख नजिर मियाँले आइतबार साँझ नियुक्त गरेका हुन् । उनी यस अघि २६ माघ २०७९ मा पनि मुख्यमन्त्री बनेका थिए। तत्कालीन गठबन्धनमा फेरबदल आएसंगै २२ चैत २०८० मा उनले राजीनामा दिए । त्यस पछि वैशाख ६ मा एकीकृत समाजवादीका दीर्घबहादुर सोडारी मुख्यमन्त्री बनेका थिए ।
तर १७ असारमा कांग्रेस र एमालेबीच यहि असार १७ मा नयाँ सत्ता समीकरण बनाउने निश्चय भएसंगै सुदुर पश्चिम प्रदेश सरकारको नेतृत्व कांग्रेसले गर्ने सहमती भयो । यसैको कारण शाह मुख्य मन्त्रीमा नियुक्त भएका हुन ।
