चितवन, मंसिर १०। चितवनको बालाजी सहकारीका अध्यक्ष दिनेश राठीलाई जिल्ला प्रहरी कार्यालय चितवनले किशोरीलाई बलात्कार गरेको अभियोगमा पक्राउ गरेको छ । राठीले १७ वर्षीया किशोरीलाई सौराहाको एक होटलमा पुर्याइ जबरजस्ती करणी गरेको जाहेरी परेपछि शनिबार प्रहरीले नियन्त्रणमा लिएको हो ।
४८ वर्षीय राठीले किशोरीले आफूमाथि करणी गरेको भन्दै आफन्तलाई खबर गरेकी थिइन् । आफन्तले घटना थाहा पाएर प्रहरीलाई खबर गरेका थिए । त्यसपछि नियन्त्रणमा लिएर हिरासतमा राखिएको हो । प्रहरीले जिल्ला अदालत चितवनबाट पाँच दिनको म्याद थप गरेर राठीमाथि अनुसन्धान गरिरहेको जनाएको छ ।
