काठमाडौं,फागुन १ । संस्कृति, पर्यटन तथा नागरिक उड्डयनमन्त्री बद्री पाण्डेले सेल्फी खिचेर ‘फोटो नेपाल’ उद्घाटन गरेका छन् । नेपाल पर्यटन बोर्डमा ‘फोटो नेपाल’ शृंखला पुनः सुरु भएको हो । यसअघि सन् २०१६ देखि बोर्डले यस्तो शृंखला गर्दै आए पनि केही समय बीचमा रोकिएको थियो । अहिले बोर्डले ‘कर्णाली नदी’ का तस्वीरहरू प्रदर्शनीमा राखेको छ ।
प्रदर्शनी तीन दिनसम्म बोर्डमा चल्ने छ । बिहान १० देखि ५ बजेसम्म तस्वीर प्रदर्शनी हुने बोर्डले जनाएको छ । ४५ दिनमा १ हजार ८० किलोमिटर यात्रा गर्दा खिचिएका तस्वीर प्रदर्शनीमा राखिएका छन् ।
